ზაფხული თბილისში ყოველთვის მოულოდნელად იწყება - ერთი კვირა ცივა, შემდეგ კი ტემპერატურა მოულოდენლად 30°C-ს აჭარბებს. სწორედ ამ დროს გვახსენდება კონდიციონერი, რომელიც მთელი ზამთარი გამორთული იყო.

პრობლემა ის არის, რომ ივნისში ოსტატის პოვნა რთულდება, ფასები იზრდება და გადაუდებელი შეკეთება დამატებით სტრესს ქმნის. წინასწარი შემოწმება კი გეხმარებათ თავიდან აიცილოთ სიცხე, დისკომფორტი და ზედმეტი ხარჯები.

ამ ბლოგში გაგიზიარებთ მარტივ და პრაქტიკულ რჩევებს, რომელიც ზაფხულის მოსვლას სიხარულით შეგახვედრებთ თქვენს ბინაში.

ფილტრების გაწმენდა - ეფექტურობის საფუძველი

დაბინძურებული ფილტრები ამცირებს კონდიციონერის ეფექტურობას და ზრდის ენერგომოხმარებას.

რისკები მოიცავს:

● სუსტ გაგრილებას

● ჰაერის ცუდი ხარისხს

● ელექტროენერგიის გაზრდილ ხარჯს

ფილტრების გაწმენდა რეკომენდებულია მინიმუმ სეზონურად, ხოლო აქტიური გამოყენების შემთხვევაში კიდევ უფრო ხშირად.

გარე ბლოკის შემოწმება

თბილისის ბინებში გარე ბლოკები ხშირად მტვრით, ფოთლებითა ან ნარჩენებით იფარება.

გარე ბლოკის დაბინძურებამ შეიძლება გამოიწვიოს:

● გადახურება

● ხმაური

● სისტემის გამორთვა

დარწმუნდით, რომ ბლოკს აქვს გამართული ვენტილაცია და ჰაერის ცირკულაციას არაფერი უშლის ხელს.

ფრეონის დონე და გაჟონვის რისკი

თუ კონდიციონერი ჰაერს აგრილებს სუსტად ან მუშაობს გაუჩერებლად, პრობლემა შესაძლოა ფრეონის დონეში იყოს.
გაჟონვამ შეიძლება გამოიწვიოს:

● სისტემის გადატვირთვა

● კომპრესორის დაზიანება

● შეკეთების ხარჯის საგრძნობლად გაზრდა

ელექტრო უსაფრთხოება

ზაფხულში კონდიციონერი ხშირად მთელი დღის განმავლობაში მუშაობს, რაც ელექტროსისტემაზე დამატებით დატვირთვას ქმნის.

დაუმუშავებელმა გაყვანილობამ შეიძლება გამოიწვიოს:

● მოკლე ჩართვა

● ძაბვის ცვალებადობა

● ხანძრის საფრთხე

ძველი კორპუსების შემთხვევაში ელექტრო ქსელის შემოწმება განსაკუთრებით მნიშვნელოვანია.

დრენაჟის სისტემა და წყლის გაჟონვა

თუ კონდიციონერიდან წყალი ჟონავს ან კედელზე ნესტი ჩნდება, შესაძლოა დრენაჟის მილი იყოს გაჭედილი.

შედეგები შეიძლება იყოს:

● კედლის დაზიანება

● ობის გაჩენა

● იატაკის გაფუჭება

დროული გაწმენდა მარტივი პროცესია, თუმცა იგნორირების შემთხვევაში სერიოზულ პრობლემად იქცევა.

იზრუნეთ სიგრილეზე და საკუთარ კომფორტზე

ზაფხულისთვის მზად მყოფი კონდიციონერი ნიშნავს არა მხოლოდ გრილ ოთახს, არამედ სიმშვიდესაც.

თუ დრო არ გაქვთ ან გსურთ, რომ სისტემა პროფესიონალმა შეამოწმოს, პროფის აპლიკაციაში მარტივად შეგიძლიათ იპოვოთ მაღალი შეფასების მქონე ხელოსანი, რომელიც თქვენთვის სასურველ დროს შეძლებს დახმარებას. არ დაელოდოთ ივნისის სიცხეს, დაიწყეთ მომზადება დღესვე.