მათ ვისაც მეტალო პლასტმასის კარ-ფანჯრები აქვთ, ეს პრობლემა ნაკლებად შეაწუხებთ, რადგან მეტალოებს თავიანთი რეზინა აქვთ, რომელიც ხელს უშლის ჰაერის მოძრაობას. თუმცა ვისაც ძველებური, ხის კარ-ფანჯარა აქვთ, მათთვის ე.წ. ღრიჭოების შევსება აუცილებელია. ამისათვის რამდენიმე გზა არსებობს:

• კარის ძირზე დასამაგრებელი სპეციალური რეზინები, რომელიც ხელს უშლის გარედან ცივი ჰაერის შემოსვლას, ხოლო შიგნიდან სითბოს გასვლას. 

• ფანჯრებში შეგიძლიათ სილიკონი გამოიყენოთ. წაუსვით იგი იმ ადგილებში, რომელიც ფანჯრის დაკეტვის შემთხვევაშიც კი ცარიელი/ღია რჩება.

• როგორც კარების, ისე ფანჯრის შემთხვევაში შეგიძლიათ შეიძინოთ რეზინის, ან ღრუბლისმაგვარი ლენტა, რომელსაც მთლიან სიგრძეზე გააკრავთ და ამგვარად გარედან შემომავალი სიცხისა თუ სიცივისგან იზოლირებული იქნებით. 

სველ წერტილებში წყლის დაზოგვის მიზნით უკეთესი იქნება, თუ ისეთ ონკანს, ან დუშის თავს დავამონტაჟებთ, რომელიც წყალს ისე ანაწილებს, რომ ნაკლები წყლით იგივე რაოდენობის ჭავლს ვიღებთ. ამ გზით არა მარტო წყლის, არამედ გათბობის დანახარჯებს შევამცირებთ. თანაც ამის დამონტაჟება საკმაოდ მარტივია და ხელოსნის გარეშეც შეიძლება მისი მოგვარება. 

რაც არ უნდა უცნაურად ჟღერდეს, ენერგიის დაზოგვა სახლში არსებული მუქი ფერის ნივთების შემცირებითაც შეიძლება. თუ პირველ რიგში კედლებს ნათელ ფერებში გადავღებავთ, შემდგომ კი ღია ფერის ავეჯსა და დეკორაციებს შემოვიტანთ, ბუნებრივი განათებით ზამთარში მეტ სითბოს მივიღებთ და დამატებით გამათბობლის ჩართვა შეიძლება არც კი დაგვჭირდეს.  

შეასრულეთ ყველა ზემოთმოცემული რჩევა და გარანტიას გაძლევთ, რომ თქვენი სახლი უფრო ენერგოეფექტური გახდება.